(569) SOUS LE RÈGNE DE CHARLES VL 829

dit messire Jehan reporter son testament, que on disoit estre en l'un de ses coffres ou buffès du dit hostel, et pour ce que en son dit hostel, es chambres d'icellui, ne es diz coffres, les diz amis ne vouloient-aucunement entrer, ne en faire ouverture, sans avoir avecques eulx aucuns des gens du roy nostre sire qui peussent porter tesmoignage de verité de l'ouverture et de ce que ilz verroient par eulx estre fait, avoient ylec mandez et fait venir les diz notaires, en la presence desquelx fu fait ouverture par vertu des dictes clefz de la chambre où gisoit le dit messire Jehan de Noyers, de la garde robe d'emprès et d'un buffet qui estoit en icelle garde robe; ouquel buffet fut trouvé un roole de papier contenant trois feuillés accousuz ensemble, qui apparoit estre le testament du dit messire Jehan de Noyers, signé à la fin : Ita est. J. de Noyers; lesquelx mos ainsi escrips à la fin du dit roole les diz amis disoient et affermoient estre escripz de la propre main et que c'estoit le propre et vray seing manuel du dit de Noyers, dont il usoit et avoit acoustumé de user; duquel roole, que les diz notaires incontinent prindrent, signèrent et deuement tabellionnerent de leurs seings ma-nuelz, afin que aucune chose n'y feust ou peust estre faicte, acreue, adjoustée ou diminuée, la teneur de mot à mot s'ensuit et est telle :

Ou nom du Pere, et du Filz et du saint Esperit, amen. Je, Jehan de Noyers, curé du Vielz Corbueil et chanoine de Saint Spire de Corbueil, faiz et ordonne mon testament ou derreniere voulenté le (sic) l'an mil quatre cens et douze, en la maniere qui s'ensuit:

Premierement, je recommande mon ame à Dieu, et ordonne toutes mes debtes et torfaiz estre paiez entierement et amendez, ce qu'il sera trouvé par tesmoins dignes de foy,- et esliz ma charrogne estre mise es crotes basses de Nostre Dame de Corbueil, et ma tumbe entre le grant autel et l'uis du revestiaire à l'endroit de ia sepulture, si comme messeigneurs du chapitre du college le m'ont octroyé de leur grace, et pour la place et lieu à moy octroyé je vueil et ordonne six livres huit solz Parisis estre convertiz par mes executeurs es plus grans necessitez de la fabrique de l'eglise tantost après mon decès.

Item, je ordonne une tumbe estre faicte et mise ou lieu dessus dit



	(569) SOUS LE RÈGNE DE CHARLES VL 829 dit messire Jehan reporter son testament, que on disoit estre en l'un de ses coffres ou buffès du dit hostel, et pour ce que en son dit hostel, es chambres d'icellui, ne es diz coffres, les diz amis ne vouloient-aucunement entrer, ne en faire ouverture, sans avoir avecques eulx aucuns des gens du roy nostre sire qui peussent porter tesmoignage de verité de l'ouverture et de ce que ilz verroient par eulx estre fait, avoient ylec mandez et fait venir les diz notaires, en la presence desquelx fu fait ouverture par vertu des dictes clefz de la chambre où gisoit le dit messire Jehan de Noyers, de la garde robe d'emprès et d'un buffet qui estoit en icelle garde robe; ouquel buffet fut trouvé un roole de papier contenant trois feuillés accousuz ensemble, qui apparoit estre le testament du dit messire Jehan de Noyers, signé à la fin : Ita est. J. de Noyers; lesquelx mos ainsi escrips à la fin du dit roole les diz amis disoient et affermoient estre escripz de la propre main et que c'estoit le propre et vray seing manuel du dit de Noyers, dont il usoit et avoit acoustumé de user; duquel roole, que les diz notaires incontinent prindrent, signèrent et deuement tabellionnerent de leurs seings ma-nuelz, afin que aucune chose n'y feust ou peust estre faicte, acreue, adjoustée ou diminuée, la teneur de mot à mot s'ensuit et est telle : Ou nom du Pere, et du Filz et du saint Esperit, amen. Je, Jehan de Noyers, curé du Vielz Corbueil et chanoine de Saint Spire de Corbueil, faiz et ordonne mon testament ou derreniere voulenté le (sic) l'an mil quatre cens et douze, en la maniere qui s'ensuit: Premierement, je recommande mon ame à Dieu, et ordonne toutes mes debtes et torfaiz estre paiez entierement et amendez, ce qu'il sera trouvé par tesmoins dignes de foy,- et esliz ma charrogne estre mise es crotes basses de Nostre Dame de Corbueil, et ma tumbe entre le grant autel et l'uis du revestiaire à l'endroit de ia sepulture, si comme messeigneurs du chapitre du college le m'ont octroyé de leur grace, et pour la place et lieu à moy octroyé je vueil et ordonne six livres huit solz Parisis estre convertiz par mes executeurs es plus grans necessitez de la fabrique de l'eglise tantost après mon decès. Item, je ordonne une tumbe estre faicte et mise ou lieu dessus dit 42